Пресс-релизы

Алматыдағы жаңа McDonald’s® мейрамханасының ашылуы!

Қазақстандағы 12-ші McDonald’s® мейрамханасы 2018 жылдың 13 қазанында Райымбек даңғылы бойындағы «MAXIMA» сауда ойын-сауық кешенінің жанында ашылды.

 

Барлық McDonald’s® мейрамханаларындағыдай, мұнда қонақтарды жоғары сапалы өнімдер, қонақжай сервисі, жағымды жағдай мен тегін Wi-Fi күтеді. Тапсырысты касса арқылы да, өзіне-өзі қызмет көрсететін заманауи киокскілер көмегімен де беруге болады.

Сондай-ақ, мейрамхана халық ұнатқан McDrive® жүйесімен жабдықталған, соның арқасында автомобильден шықпай тапсырыс беріп, оны төлеп, алуға болады. McDrive® желісіндегі «Тандем» тұжырымдамасы бір уақытта бірнеше автомобильдерге қызмет көрсетуге мүмкіндік береді, бұл ретте  өткізгіштік қабілеттілігі сағатына 100 автомобильден асады. Мейрамхананың жалпы ауданы 473 ш.м. құрайды, оның ішінде 87 және жазғы террассада 48 қондырмалы орын бар. Алматыда жетінші және Қазақстанда он екінші мейрамханасының ашылуының арқасында тағы да 50 жаңа жұмыс орны құрылды.

Мейрамхананың ішкі безендіруі LIM Food стилінде орындалған - бұл жастар декоры, оның ерекшелігі - үлкен қабырғадағы адамдар мен жаңа өнімдерді бейнелейтін суреттер.

Мейрамхана ғимараты қозғалысы шектеулі тұрғындар тобының қолжетімділігі үшін нормативтерді ескере отырып толығымен іске асырылды және «жасыл технологиялар» саласында McDonald's компаниясының алтын стандарттарына сәйкес келеді.

2018 жылдың соңына дейін Қазақстанда тағы екі McDonald’s® жаңа мейрамханасы ашылады.

 

McDonald’s® баспасөз қызметі

5 қазанда McDonald's Қазақстан компаниясының барлық топ-менеджерлері мейрамханалардың әдеттегі қызметкерлері болады

Бүгін, 5 қазанда әлемнің барлық елдеріндегі McDonald's бас кеңсесінің топ-менеджерлері мен қызметкерлері мейрамханалардың командаларымен бірігіп McDonald's мейрамханаларында жұмыс істей отырып, қонақтармен бірге күнін өткізеді. Қазақстанда жаһандық бастаманы толығымен қолдайды және компанияның әрбір қызметкері үшін осындай айтулы оқиғаға белсенді қатысады. Бүгін - McDonald’s корпорациясының негізін қалаушы Рэй Кроктың туған күні.

McDonald's компаниясы Биг Мактың 50 жылдық мерейтойына орай MacCoin коллекциялық монеталарын шығарды.

McDonald's компаниясы Биг Мактың 50 жылдық мерейтойына орай MacCoin коллекциялық монеталарын шығарды.
 

MacCoin алғашқы ғаламдық азық-түліктік валюта болып саналады

 

Алматы, 6 тамыз 2018 ж. McDonald's Биг Мактың 50 жылдығына орай MacCoin дүниежүзілік валютасын ұсынды. Биг Мактың бүкіл әлем бойынша табынушылары әртүрлі іс-шараларға қатыса отырып, 2 тамыздан бастап MacCoin алатын болады. Монеталарды коллекциялауға немесе 2018 жылдың соңына дейін 50-ден астам қатысушы-елдегі McDonald's мейрамханаларында тегін Биг Макқа айырбастауға болады.

 

50 жыл ішінде аты аңызға айналған Биг Мак сандвичі бүкіләлемдік мойындауға ие болды. Сонымен қатар, оның танымал болғандығы соншалықты, «The Economist» журналы оның құнын, жыл сайынғы негізде, әртүрлі елдердің валюталарының сатып алу қабілеттілігін салыстыруға арналған экономикалық құрал ретінде пайдаланады. Осы жайт MacCoin-ды жасау үшін шабыт болды.

 

«50 жыл бұрын McDonald's мәзіріне енгізілген сәттен бастап, Биг Мак бүкіл әлемді жаулап алды және бүгінгі күнге дейін келушілерге бақытты сәттерді сыйлауды жалғастыруда», - деді McDonald's-тың президенті және басты атқарушы директоры Стив Истербрук. «Біз мерекелеуді сандвичтің өзі сияқты бірегей еткіміз келді. MacCoin-ның басқа валюталармен салыстырғандағы артықшылығы, оның Биг Мактың дәмінен ләззат алу мүмкіндігін беретіндігінде».

 

6,2 млн. астам MacCoin бүкіл әлем бойынша 50-ден астам елде таратылатын болады. Осы естелік монеталар бес бірегей дизайнда жасалған, олардың әрқайсысы Биг Мак тарихындағы белгілі бір он жылдықты символмен көрсетеді. MacCoin-ның артқы жағында өнерді, музыканы және поп-мәдениетті қоса алғанда, тиісті уақыттың элементтері қамтылған, ал беткі жағында Биг Мактың 50-жылдығының символы бейнеленген. 70-ші жылдар, мәселен, жаздың, гүлденген кезеңнің символын көрсетеді, ал 80-ші жылдар абстракция мен 3D-пейзаждардың әркімнің санасын дүрліктірген ерте компьютерлік ғасыр кезеңі. Ерекше атмосфераны туғызатын ретро стиль, абстрактылы фигуралар 90-шы жылдар монеталарының дизайны үшін шабыт берді, ал нөлінші жылдар дизайны ғаламдық компьютерлендірумен байланысты. Соңында 2008-2018 жж. монетасының дизайны Қазақстанда McDonald’s-тың алғашқы мейрамханасының ашылуына орайластырылды!

Монеталарда жеті тілдің бар екендігін атап өту керек: араб, ағылшын, индонезия, мандарин, португал, квебек және испан тілдері.

 

 «Менің арғы атам Джим Делигатти Юнионтаундағы өз грилінде Биг Макты ойлап тапқан кезде, бірінші кезекте ол, өзіне келген қонақтарының бақытты болғандығын қалаған», - деді Ник Делигатти, төртінші буындағы McDonald’s мейрамханасының иесі. «2 тамызда менің арғы атамның туылғанына 100 жыл толатын еді және мен оның тамаша сандвичінің осындай күшті әсер туғызғандығы үшін және бүкіл әлемдегі адамдар, өздерінің қайда болғандығына қарамастан оның дәмін тату мүмкіндігіне ие болғандығы үшін ол мақтаныш сезімінде болатын еді деп есептеймін».

 

9 жасар Астана тұрғыны футболдан әлем чемпионатының финалында алаңға шығады.

Астаналық 9 жасар Мадали Исабек футболдан әлем чемпионатының финалында алаңға шығады. Ол алаңға әлемдік доп додасының финалына шығатын екі команданың ойыншыларының бірімен ілесіп шығады. Осы жаздың ең басты спорт шарасының финалы 15 шілдеде Мәскеудегі «Лужники» стадионында өтеді. Мадалидің әкесі Мейрамбек Исабеков екі адамға сапарды McDonald's® Қазақстан компаниясы ұйымдастырған ұтыста жеңіп алған болатын. Ол баласымен осы сапарда бірге болып, финалдық ойынды тамашалайды. 

«Ұтыс туралы McDonald's® ресторанына тамақтануға барғанда білдім. Төлем жасаған соң, кассир бізге купонды ұсынып, қалай тіркеу керектігін түсіндірді. Оны тіркеген кезде мұндай бақытқа кенелетінімді білген жоқпын. Компаниядан хабарласып, финалға жолдама ұтып алғанымды айтқанда бес баламның үлкені Мадалиді алатынымды бірден айттым. Ұлымыз екеуміз футболдың жанкүйері болғандықтан Әлем чемпионатының финалын тамашалау біз үшін арман. Арманымның орындалғанына қуаныштымын», - деді Мейрамбек Исабеков.

McDonald's® Қазақстан компаниясы осы жылдың 29 наурызы мен 31 мамыры арасында өткен «Әрбір түскі аспен жеңіске жету мүмкіндігі көбірек» науқанын өткізген болатын. Науқанның нәтижесінде 13 жеңімпаз анықталды. Оның 5-і ширек финал ойындарына, 4-і жартылай финал ойындарына, 3-і ақтық финал ойындарына сапар және 1-і финалда ойнайтын екі команданың ойыншыларының бірімен ілесіп шығу мүмкіндігі. Оған қоса ұтысқа 150 000 McDonald's® өнімі қатысты. 

Науқанға 1500 теңгеден аса сомаға тағам мен сусын сатып алған Қазақстан Республикасының 18 жасқа толған азаматтары қатыса алды. Купон жедел ұтыс ойынына қатысуға және футболдан әлем чемпионатына жолдама ұтып алуға мүмкіндік берді. Ол үшін купонда жасырылған қайталанбайтын кодты www.fifa.mcdonalds.kz сайтында тіркеп, онлайн ұтысты күту керек болды. Науқанға қатысу шарттары бойынша тіркелетін купондардың саны шектелген жоқ. 

Ұтыстар тәуелсіз қазылар алқасының және нотариустың қатысуымен өткізілді. Жеңімпазды кездейсоқ сандар генераторы анықтады. Бүкіл ұтыстар әлеуметтік желілерде тікелей эфирде таратылды.

Алматы қаласы Бостандық ауданында балалар ойын алаңын және саяжолды абаттандыру

McDonald’s® Қазақстан компаниясы отбасылық құндылықтарды қолдай отыра және ата-аналар мен балалардың бірлескен демалысы үшін шығып отырып, Орбита-3 шағын ауданындағы 5 «В» үйдің жанында Торайғыров және Біржан көшелерінің аралығында Мұстафин көшесі бойында, балалар ойын алаңы мен саяжолды абаттандырудың бастаушысы болды. Салым  сомасы шамамен 36 млн. тенгені құрады. 

 

Мемлекет және бизнес: жылдам тамақтандыру саласының әлемдік үздігі McDonald's компаниясы қала әкімдігінің еріктілерін тегін тамақпен қамтамасыз ететін болады.

7 маусымда Астанада Астана қалалық әкімдігі мен McDonald's Қазақстан арасында біріккен ынтымақтастық туралы меморандумға ресми қол қою рәсімі өтті.

McDonald’s® Қазақстанға 1 жыл!

2017 жылғы 8 наурыз күні McDonald’s® Қазақстан өзінің бірінші туған күнін атап өтті. Мерекеге арналған шара Астана қаласында, Қабанбай батыр 26 мекенжайында орналасқан алғашқы McDonald’s® мейрамханасында ұйымдастырылды. Бұл күні мейрамханаға келушілерді арнайы шақырылған қонақ – барлық балалардың досы және бүкіл әлемдегі McDonald’s® рәмізі, әйгілі Рональд Макдональд күтіп тұрды.  Ол өзінің шоу бағдарламасымен келіп, мерекеге қатысып, жайлы, көңілді және қонақжай ортада уақыт өткізуге келген көптеген балалар мен ата-аналарды жинады.

Алматыдағы екінші McDonald’s® мейрамханасының ашылуы

2016 жылы 24 желтоқсан күні сағат 13:00 Алматыда Абай даңғылынан жоғары Саин көшесі бойындағы Мамыр-4 ықшам ауданында жаңа McDonald’s® мейрамханасы ашылды.

Ашылу салтанатына Әуезов ауданы әкімінің орынбасары Рақымбеков Бақытжан және Қазақстандағы McDonald’s® Бас директоры Кутлин Ленар қатысты.

Мейрамхана 460 ш.метрді қамтиды.Оның залында 86 орын, ал жазғы алаңында 44 орын бар. Мейрамхананы рәсімдеуде McDonald’s® үшін дәстүрлі түрде ашық реңктерде, табиғи материалдарды пайдаланып орындалған жаңа дизайн-концепциялар қолданылды.

Алматыдағы McDonald’s® мейрамханасының ашылуы

2016 жылдың 10 маусымында Алматыдағы McDonald’s® есігін ашты.
Франчайзинг келісім-шарты жүзінде ҚР аумағында McDonald’s® сауда белгісін пайдалану құқығына ие «Food Solutions KZ» компаниясы жақындағы бірнеше жыл ішінде Алматы және Астана қалаларында 15 астам мейрамхана ашуды жоспарлап отыр.

Дүниежүзіне белгілі желінің Алматы қаласындағы бірінші кәсіпорны Төле би көшесі, 41-үй мекенжайында орналасқан. Мұнда келушілерді ең жоғары сапалы өнім, үлгілі қызмет көрсету, ыңғайлы жабдықтар, тегін Wi-Fi, балаларға арналған ойын аймақтары, тапсырыстарды электронды түрде қабылдау арқылы қызмет көрсетудің заманауи жүйелері күтуде, тапсырыстарды қабылдау және беру нүктелерінің бөлінуі келушілерге анағұрлым жедел қызмет көрсетуге мүмкіндік береді. McDrive® жүйесі арқылы қызмет көрсету көліктен шықпай-ақ тапсырыс беруге, ақысын төлеуге және алуға мүмкіндік береді.

McDonald’s ® ҚАЗАҚСТАНДАҒЫ БІРІНШІ МЕЙРАМХАНАСЫН АШТЫ

Әлемге әйгілі McDonald’s ® желісі Астана қаласында республикамыздағы алғашқы мейрамханасының есігін айқара ашты. Ашу салтанатына Астана қаласының әкімі Әділбек Жақсыбеков, Мәдениет және спорт министрі Арыстанбек Мұхамедиұлы, McDonald’s ® корпорациясының президенті Стив Истербрук, Ресейдегі McDonald’s ® президенті Хамзат Хасбулатов және Қазақстандағы франшиза иесі Қайрат Боранбаев қатысты.

McDonald’s ® ҚАЗАҚСТАНДАҒЫ АЛҒАШҚЫ МЕЙРАМХАНАСЫН АШАДЫ

Бүгін McDonald’s ® корпорациясы  Қазақстандағы алғашқы кәсіпорнының ашылуы туралы хабарлады. 8 наурыз күні McDonald’s ® бірінші мейрамханасының ашылуы корпорацияның әлемнің 120-шы нарығына шығуының белгісі болғалы отыр. Қазақстандағы McDonald’s ® франшизасының иесі кәсіпкер Қайрат Боранбаев болды, ол, сондай-ақ, Беларусьтегі McDonald’s ® франчайзи болып отыр.